Գերմանիայում բողոքի ցույցեր են անցկացվել՝ ներգաղթյալների հետ կռվի ժամանակ տեղի բնակչի մահվան պատճառով
ՄԻՋԱԶԳԱՅԻՆԳերմանիայի արևելյան Սաքսոնիա-Անհալթ երկրամասի Քոթեն քաղաքում, որտեղ ավելի վաղ աֆղանցիների հետ ծեծկռտուքի ժամանակ մահացել էր տեղի երիտասարդ բնակիչներից մեկը, բողոքի ցույցեր են տեղի ունեցել:
Ինչպես հաղորդում է BBC-ն, փողոց են դուրս եկել ինչպես ազգայնական խմբերի ներկայացուցիչներն, այնպես էլ նրանց դիմակայող ձախ արմատականները: Ոստիկանական ջոկատները հերթապահում էին փողոցներում՝ կանխելու համար նրանց միջև բախումները: Քոթենի քաղաքապետը բնակիչներին կոչ է արել մնալ տներում:
Մարդկանց՝ փողոց դուրս գալու պատճառը 22-ամյա գերմանացու մահվան մասին լուրն է եղել. վերջինս մահացել էր Աֆղանստանից ժամանակ ներգաղթյալների հետ ծեծկռտուժի ժամանակ: Նա գանգուղեղային վնասվածք էր ստացել, սակայն մահվան բուն պատճառը սրտի հետ կապված խնդիրներն են դարձել:
Ինչպես նշվում է, կռվի մասին հայտնի է միայն այն, որ երիտասարդը միջամտել է հղի կնոջ և 3 աֆղանցու միջև ծագած հակամարտությանը: