Հալեպում ահաբեկիչները մահապատժի են ենթարկել քաղաքը լքել փորձող գրոհայիններին ու նրանց ընտանիքներին

«Ջեբհաթ Ֆաթհ աշ-Շամ» խմբավորման ահաբեկիչները Հալեպում մահապատժի են ենթարկել 40 գրոհայինների՝ իրենց ընտանիքների հետ, ովքեր փորձել են մարդասիրական միջանցքներով լքել քաղաքը։

Դա տեղի է ունեցել Կարյատ-էլ-Անսարի թաղամասում, երբ գրոհայինները վայր են դրել զենքն ու փորձել հեռանալ կառավարական զորքերի կողմից վերահսկվող շրջանների մարդասիրական միջանցքներով։

ՄԱԿ-ի տվյալներով՝ ներկայում Հալեպում մոտ 2 մլն բնակիչ հայտնվել է թակարդում։ Տեղեկություններ են ստացվում քաղաքի տարածքում քիմիական զենքի կիրառման մասին։ Ներկայում Ռուսաստանն ու ՄԱԿ-ն աշխատում են խաղաղ բնակիչների օգնության համար բացել «մարդասիրական պատուհաններ»։