ՄԱԿ-ի օր

Միացյալ ազգերի կազմակերպության օրը, որ ամեն տարի նշվում է հոկտեմբերի 24-ին, հայտարարվել է 1947թ․ հոկտեմբերին՝ ՄԱԿ Գլխավոր ասամբլեայի N168 բանաձեւով եւ նվիրված է 1945թ․ ՄԱԿ կանոնադրության ընդունմանը։

1971թ․ ՄԱԿ ԳԱ-ն իր բանաձեւում, որտեղ ընդգծվում է, որ Միացյալ ազգերի կազմակերպության օրը պետք է դառնա միջազգային տոն, անդամ-պետություններին խորհուրդ էր տալիս նշել այն որպես պետական տոն։

ՄԱԿ-ը պետությունների միջազգային կազմակերպություն է, որը ստեղծվել է միջազգային խաղաղության, անվտանգության, երկրների միջեւ համագործակցության զարգացման նպատակով։