Զախարովան աբսուրդ է որակել ՌԴ-ի և Չինաստանի կողմից Թրամփին գաղտնալսելու մասին լուրերը
ՄԻՋԱԶԳԱՅԻՆՌուսաստանի արտաքին գործերի նախարարության պաշտոնական ներկայացուցիչ Մարիա Զախարովան աբսուրդի թատրոն է անվանել The New York Times թերթի տեղեկատվությունը, ըստ որի՝ իբր Ռուսաստանն ու Չինաստանը գաղտնալսում են ԱՄՆ նախագահ Դոնալդ Թրամփի հեռախոսազրույցները:
«Դա աբսուրդի թատրոնի ևս մի օրինակ է, որում մենք այժմ գտնվում ենք: The New York Times թերթն առանց կոնկրետ աղբյուրների հղման, չհիմնվելով հեռախոսային ինչ որ տվյալների վրա, պատմում է ԱՄՆ նախագահի ինչ որ հեռախոսազրույցների գաղռմասլումների մասին: Միաժամանակ, ԱՄՆ-ը, դա հաստատված տվյալներ են, ամբողջովին անամոթաբար գաղտնալսել է, օրինակ, տիկին Մերկելին»,- ինչպես փոխանցում է «Արմենպրես»-ը, վկայակոչելով ՏԱՍՍ-ը, ասել է նա:
