Ռումինիայում ավտոբուս է շրջվել, կան զոհեր

Ռումինիայում ավտոբուսի մասնակցությամբ վթարի հետեւանքով մեկ մարդ է զոհվել, հայտնում է Gazeta–ն՝ վկայակոչելով  Mediafax–ին։

Գործակալության տվյալներով՝ վթարի հետեւանքով տուժել է 28 մարդ։

Նշվում է, որ ավտոբուսը շրջվել է եւ հայտնվել ռումինական Հունեդոարա շրջանի ճամփեզրին։

Ներկայումս ոստիկանությունը պարզում է միջադեպի հանգամանքները։