Քրեական հեղինակություն Ռովշան Ջանիեւի սպանությունը քրդերն են իրականացրել. լրատվամիջոց

Քրեական հեղինակություն Ռովշան Ջանիեւի (Լենքորանսկի) սպանությունը քրդերն են իրականացրել: Այս մասին հայտնում է «Ռոսբալտ»-ը՝ վկայակոչելով իրավիճակին ծանոթ իր աղբյուրները:

«Ռովշանի սպանությունը քրդերն են իրականացրել: Նրանք արդեն վաղուց էին ուզում վրեժ լուծել Դեդ Հասանի սպանության համար, իսկ այդ սպանության կազմակերպիչը Ռովշանն էր համարվում: Հասկանալի է, որ թե՛ «թիկունքը», թե՛ գումարը ապահովել են «օրենքով գողերը»,- ասել է աղբյուրը:

Ավելի վաղ հաղորդվում էր, որ Ստամբուլում ռուսաստանցի քրեական հեղինակություն Ռովշան Ջանիեւի վրա հարձակումը կարող էր քրեական պատերազմի հետեւանք լինել, որը սկսվել էր Զաքարիա Քալաշովի (Շաքրո Մոլոդոյ) կալանքից հետո:

Ավելի ուշ լրատվամիջոցները հայտնել էին, որ ոստիկանությունը ձերբակալել է Ադրբեջանի քաղաքացի Հաջի Բեյլագանսկուն (Թալիբհանլը), որը հենց Ջանիեւի քիլերն է եղել: