ԱԺ նիստերը տապալվում են՝ քվորում չկա. վտանգված է բյուջեի ընդունումը

Արդեն 3-րդ օրն է, որ Ազգային ժողովի նիստերը բնականոն չեն ընթանում: Պատճառը պատգամավորների բացակայությունն է, որի հետեւանքով էլ անհրաժեշտ քվորում չի ապահովվում:

Ազգային ժողովի Կանոնակարգ սահմանադրական օրենքի համաձայն՝ քվորում ապահովելու համար անհրաժեշտ է 53 պատգամավորի ներկայություն: Այս պահին նիստերի դահլիճում կա 48  պատգամավոր:

Եթե այս աշխատաոճը շարունակվի, ապա վտանգված կլինի 2019 թվականի բյուջեի ընդունումը: Նշենք, որ բյուջեի նախագիծն արդեն քննարկվել է եւ նոյեմբերի 21-ին տեղի է ունենալու քվեարկությունը: