Պուտինը հայտնել է, թե երբ տեղի կունենա ՌԴ-ի, Ադրբեջանի եւ Իրանի մասնակցությամբ գագաթնաժողովը
ՄԻՋԱԶԳԱՅԻՆՌուսաստանի, Ադրբեջանի եւ Իրանի մասնակցությամբ եռակողմ գագաթնաժողովը տեղի կունենա օգոստոսին ՌԴ-ում, հայտնել է Ռուսաստանի նախագահ Վլադիմիր Պուտինն իր ադրբեջանցի գործընկեր Իլհամ Ալիեւի հետ հանդիպման ժամանակ, փոխանցում է ՏԱՍՍ-ը:
Պուտինի եւ Ալիեւի հանդիպումն ընթանում է Պեկինում, որտեղ նախագահները եկել են մասնակցելու «Մեկ գոտի, մեկ ճանապարհ» համաժողովին:
«Պայմանավորվել ենք, որ հերթական ռուս-ադրբեջանա-իրանական գագաթնաժողովը կանցկացնենք օգոստոսին Ռուսաստանում»,- ասել է Պուտինը:
Նշենք նաեւ, որ Ռուսաստանի նախագահը Ադրբեջանի նախագահ Իլհամ Ալիեւի հետ շփվել էր ապրիլի սկզբին՝ պետությունների ղեկավարները հեռախոսազրույց էին ունեցել: Խոսել են նաեւ Լեռնային Ղարաբաղի հակամարտության կարգավորման մասին:
