Հայ մշակույթի ներկայացուցիչները՝ Չինաստանում. Համերգին ներկա է լինելու Նիկոլ Փաշինյանը
ՄՇԱԿՈՒՅԹՉինաստանի Ժողովրդական Հանրապետության մայրաքաղաք Պեկինում մայիսի 13-17-ը ընթացող «Ասիական քաղաքակրթությունների երկխոսության» համաժողովին մասնակցում են Հայաստանի պարարվեստի «Բարեկամություն» պետական համույթը (գեղարվեստական ղեկավար՝ ՀՀ ժողովրդական արտիստ Նորայր Մեհրաբյան), «Ջնար» ժողովրդական նվագարանների համույթը (գեղարվեստական ղեկավար՝ ՀՀ վաստակավոր գործիչ Հովիկ Սահակյան), Հայաստանի պետական կամերային նվագախմբի կոնցերտմայստեր, ջութակահարուհի Աստղիկ Վարդանյանը, ԵՊՄՀ պարարվեստի ամբիոնի ուսանողներ Նարեկ Զոհրաբյանը եւ Դիանա Հովհաննիսյանը: Այս մասին հայտնում են ՀՀ մշակույթի նախարարությունից։
Միջոցառման շրջանակում Պեկինի Ազգային օլիմպիական մարզադաշտում տեղի կունենա գալա համերգ, որին ներկա կլինեն ՀՀ վարչապետն ու տիկին Աննա Հակոբյանը:
