Թրամփը հայտարարել է, որ Մեգան Մարքլին «չար» չի անվանել
ՄԻՋԱԶԳԱՅԻՆԱՄՆ նախագահ Դոնալդ Թրամփը հերքել է ԶԼՄ-ներում տարածված հաղորդումն այն մասին, որ բրիտանացի արքայազն Հարիի կնոջը՝ Սասեքսի դքսուհի Մեգան Մարքլին «չար» է անվանել:
«Ես երբեք Մեգան Մարքլին «չար» չեմ անվանել: Այդ ամենն անում են կեղծ ԶԼՄ-ները: Արդյոք CNN-ը, New York Times-ը կամ մյուսները ներողություն կխնդրեն: Կասկածում եմ», - Twitter-ում գրել է Թրամփը:
Հիշեցնենք, որ ավելի բաղ բրիտանական The Sun պարբերականը և մի շարք այլ արտասահմանյան լրատվամիջոցներ հաղորդել էին, որ Թրամփը Մեգան Մարքլին «չար» է անվանել՝ նախկինում իր մասին վերջինիս արած արտահայտությունների համար:
Մեգան Մարքլը նախքան բրիտանական թագավորական ընտանիքի անդամ դառնալը քննադատական ելույթներ էր ունենում Թրամփի հասցեին: