ՄԽ կազմում որևէ փոփոխություն չի ակնկալվում. Ջեյմս Ուորլիք

Մինսկի խմբի կազմում այս պահին որևէ փոփոխություն չի սպասվում:
Այս մասին Երևանում լրագրողների հետ հանդիպման ժամանակ նշեց ԵԱՀԿ Մինսկի խմբի ամերիկացի համանախագահ Ջեյմս Ուորլիքը:
«Մենք մի քանի օր առաջ Վիեննայում էինք և վերջին տարիների ընթացքում առաջին անգամ Մինսկի խումբը շատ խիստ հայտարարություն ընդունեց` զսպվածության, հրադադարը հարգելու և համապարփակ լուծմանը հասնելու համար անհապաղ բանակցություններ սկսելու կոչ անելով»,- նշեց Ուորլիքը` հավելելով, որ խումբն իր աջակցությունն է հայտնել նաև համանախագահների աշխատանքին: Նա նաև հավելեց, որ Թուրքիան միացել է այդ հայտարարությանը և աջակցել դրան: «Մենք ցանկանում ենք աշխատել Մինսկի խմբի բոլոր անդամների հետ, այդ թվում և Թուրքիայի»,- նշեց ամերիկացի համանախագահ ը:
ԵԱՀԿ Մինսկի խմբի համանախագահներ Իգոր Պոպովը (Ռուսաստան), Ջեյմս Ուորլիքը (ԱՄՆ),Պիեռ Անդրիոն (Ֆրանսիա) և ԵԱՀԿ գործող նախագահի անձնական ներկայացուցիչ ԱնջեյԿասպրշիկը ապրիլի 5-ից տարածաշրջանում են: Բաքվում հանդիպումներից հետո նրանքայցեցել են Ստեփանակերտ, հանդիպել Արցախի իշխանությունների հետ, ապա եկել Երևան: ՀՀՆախագահի, արտաքին գործերի և պաշտպանության նախարարների հետ հանդիպումներիցհետո նրանք այցի արդյունքներն ամփոփում են հայաստանյան լրատվամիջոցների համար: