Զինյալներն ականանետներից գնդակոծում են Հալեպի քրիստոնյաներով բնակեցված թաղամասը

Ահաբեկիչները ականանետներից գնդակոծում են Հալեպի (Սիրիայի հյուսիս-արեւմուտք) քրիստոնյաներով բնակեցված Միդան թաղամասը: Այդ մասին, ինչպես տեղեկացնում Է «Արմենպրես»-ը, իրադարձությունների վայրից հայտնել Է ՌԻԱ Նովոստիի թղթակիցը:
Վերջին ժամվա ընթացքում յոթ ական Է ընկել Միդանի փողոցներում: Տուժածների մասին առայժմ տեղեկատվության չկա: Այն փողոցից, որտեղ ական Է պայթել, շտապօգնության մեքենա Է մեկնել:
Պայթյունների ձայներ են լսվել նաեւ անցած գիշեր:
Միդան թաղամասում ապրում են առավելապես հայեր եւ քրիստոնյա արաբներ: