Ղարաբաղյան հակամարտության լուծումը քաղաքական կամք է պահանջում. ԵԱՀԿ ԽՎ նախագահ

Ղարաբաղյան հիմնախնդիրն ամենից շատ քաղաքական կամք է պահանջում դեպի խաղաղության հաստատում առաջընթաց ապահովելու համար: Ինչպես գրում է minval.az-ը, այս մասին ասել է ԵԱՀԿ խորհրդարանական վեհաժողովի նախագահ Գեորգի Ծերեթելին Լյուքսեմբուրգում ԵԱՀԿ խորհրդարանական վեհաժողովի ամենամյա նստաշրջանի ժամանակ:

«Առանց հակամարտությունները կարգավորելու մենք չենք կարող առաջընթացի հասնել: Հակամարտություններն ու պատերազմները աղետներ են տնտեսության և շրջակա միջավայրի համար»,- նշել է Ծերեթելին: 

Հիշեցնենք, որ այսօր մեկնարկել է ԵԱՀԿ խորհրդարանական վեհաժողովի 28-րդ նստաշրջանը, որը կշարունակվի մինչև հուլիսի 8-ը: