Փշատավանի տներից մեկում գազի արտահոսքից հրդեհ է բռնկվել

Հայաստանի ԱԻՆ-ում, այսօր՝ հուլիսի 6-ին, ժամը 13։19-ին «911» ծառայությանն ահազանգ է ստացվել, որ Արմավիրի մարզի Փշատավան գյուղի 19-րդ փողոցի տներից մեկի 2-րդ հարկում տեղի է ունեցել գազի արտահոսք՝ հրդեհի բռնկմամբ։

Դեպքի վայր է մեկնել ԱԻՆ ՓԾ հրշեջ-փրկարարական ջոկատից մեկ մարտական հաշվարկ:

Հրդեհը մեկուսացվել է ժամը 13:46-ին, մարվել՝ 13:51-ին:

Այրվել են 10 կգ-անոց գազի բալոնից արտահոսած գազը եւ խոհանոցի դուռը (մոտ 3 քմ):