Ապրես, իմ առյուծ․ սկանդալային տեսանյությում ոստիկանը գովում է Դինքին սպանողին

Թուրքական իշխանամետ հեռուստաընկերություններից մեկը Դինքի սպանության հետ կապված նոր սկանդալային տեսանյութ է հրապարակել։

Թուրքական Kanal 24 հեռուստաընկերության եթերում հրապարակված տեսանյութում Հրանտ Դինքի սպանությունից հետո ձերբակալված Օգյուն Սամասթը ոստիկանների հետ լուսանկարվում է։

Տեսանյութում ոստիկաններից մեկը Օգյուն Սամասթի հետ լուսանկարվելու ժամանակ ասում է․ Ապրես, իմ առյուծ։ Գեղեցիկ դիրք ընդունիր, ժպա նկարվելուց։

Տեսանյութում Օգյուն Սամասթը դիտում է Հրանտ Դինքին սպանելու պահը, որից հետո պատմում է, որ 2 կամ օր սպասել է Հրանտ Դինքին եւ երբ տեսել է նրան, հանել ու կրակել է։

Նշենք, որ տեսանյութում երեւացող ոստիկանների մի մասը ձերբակալվել են հեղաշրջման փորձի շրջանակներում։