Ինքնագլուխ պեղումներ. Լճաշենի բնակիչը ջրագծերը քանդելիս պատմամշակութային արժեք հանդիսացող առարկաներ է գտել
ՎԻԴԵՈԼճաշեն գյուղում 43-ամյա տղամարդը ջրագծերը քանդելու ժամանակ պատմամշակութային արժեք հանդիսացող առարկաներ է գտել ու վերցրել։ Այս մասին հաղորդում է Ոստիկանությունը։
Ըստ ոստիկանության տեսանյութի՝ պատմամշակութային արժեք հանդիսացող առարկաներ հափշտակելու վերաբերյալ օպերատիվ տվյալները ստացվել են ոստիկանության քրեական հետախուզության գլխավոր վարչությունում։ Սեպտեմբերի 14-ին հափշտակություն կատարելու կասկածանքով բերման է ենթարկվել Լճաշեն գյուղի բնակիչ, 43-ամյա Արտակ Հարությունյանը։
«Լճաշեն գյուղում ջրագծերը քանդելու ժամանակ դրանք հանել լցրել էին՝ որը ջարդած, որը ամբողջությամբ, վերցրել եմ»,- ոստիկանությունում պատմել է տղամարդը։
Տղամարդը նաեւ մետաղական դետեկտոր է օգտագործել։