Հոնկոնգում չեղյալ են հայտարարել ամանորյա հրավառությունն անկարգությունների սպառնալիքի պատճառով
ՄԻՋԱԶԳԱՅԻՆՀոնկոնգի իշխանությունները ոստիկանության առաջարկությամբ որոշել են չեղյալ հայտարարել լույս հունվարի 1-ի գիշերն ամանորյա հրավառությունը Վիկտորյայի նավահանգստում: Այդ քայլը, ինչպես դեկտեմբերի 18-ին հաղորդել Է South China Morning Post թերթը, պատճառաբանված Է անվտանգության նկատառումներով՝ կապված բողոքի նոր ակցիաների եւ զանգվածային անկարգությունների սպառնալիքի հետ:
«Հասարակական անվտանգությունը մեր գլխավոր գերակայությունն Է, քանի որ հրավառությունը հանդիսականների վիթխարի բազմություն Է հավաքում նեղուցի երկու կողմում»,- նշել Է զբոսաշրջության գործերի կառավարական դեպարտամենտի ղեկավար Պան Յուկայը:
Բեռնանավերից ընդգրկուն հրավառության արձակման փոխարեն կարող են առանձին հրավառություններ արձակվել մի շարք երկնաքերների տանիքներից:
Ցույցերի հնարավոր անցկացումը կանխելու նկատառումով վերջին ամիսներին Հոնկոնգում չեղյալ են հայտարարվել մի շարք զանգվածային միջոցառումներ, ներառյալ Clockenflap երաժշտական փառատոնը, հեծանվասպորտի, գոլֆի եւ թենիսի միջազգային առաջնությունները, գինու եւ ակրատների փառատոնը, հաղորդել Է ՏԱՍՍ-ը:
