Իրանի խորհրդարանը մտադիր է Պենտագոնը եւ ԱՄՆ բանակն ահաբեկչական կազմակերպություններ հռչակել
ՄԻՋԱԶԳԱՅԻՆԻրանցի պատգամավորները քննարկում են Պենտագոնը եւ ԱՄՆ բանակն ահաբեկչական կազմակերպություններ հռչակելու առաջարկը՝ որպես գեներալ Ղասեմ Սոլեյմանիի սպանության պատասխան, գրում է Tasnim-ը:
Իրանի խորհրդարանի ներկայացուցչական խորհրդի անդամ Աքբար Ռանջբարզադեն հայտնել է, որ առաջարկը կքննարկվի բաց նստաշրջանի ընթացքում:
Նա նշել է, որ համաձայն առաջարկված ծրագրի՝ նշված կառույցները պետք է սահմանվեն որպես հետախուզվող հանցագործներ եւ ահաբեկչական խմբավորումներ:
Ռանջբարզադեն հավելել է, որ ծրագիրն արդեն ստորագրվել է խորհրդի եւ բյուջեի ինտեգրման հարցով հանձնաժողովի կողմից:
