Արմավիրում կինը ծեծել է իր որդուն հայհոյելու համար նկատողություն արած հարեւանուհուն. գործը դատարանում է

Արմավիրում կինը մեղադրվում է իր որդուն հայհոյելու համար նկատողություն արած հարեւանուհուն ծեծելու մեջ։

Ըստ մեղադրական եզրակացության՝ դեպքը տեղի է ունեցել 2019թ. հուլիսի 4–ին։ Ալլա Պ.–ն եղբոր հետ ծեծել է հարեւանուհուն, երբ վերջինս նկատողություն է արել Ալլայի որդուն։ Մասնավորապես, մայրը դիտավորությամբ մեկ անգամ փայտով հարվածել է հարեւանուհու աջ ուսագոտու շրջանին, այնուհետև բռնել ու քաշքշել է նրա մազերից։

Գործը քննվելու է Արմավիրի մարզի ընդհանուր իրավասության դատարանում։