Արցախի ՊԲ-ն հերքել է ադրբեջանական հերթական ապատեղեկատվությունը՝ չեզոք գոտում զինծառայողի թողնելու վերաբերյալ
ՔԱՂԱՔԱԿԱՆՈՒԹՅՈՒՆԱդրբեջանական էլեկտրոնային լրատվամիջոցներում տարածված տեղեկատվությունը, թե իբր պաշտպանության բանակի առաջապահ ստորաբաժանումները «Գերանբոյի ուղղությամբ դիմել են սադրանքի եւ չեզոք գոտում թողել մեկ զինծառայողի», հերթական ապատեղեկատվություն է:
Արցախի ՊՆ-ի տարածած հաղորդագրության մեջ նաեւ ասվում է. «Պաշտպանության բանակի դիրքապահ ստորաբաժանումները հետեւում են հրադադարի պահպանման ռեժիմին: Ավելին՝ արցախա-ադրբեջանական հակամարտ զորքերի շփման գոտում շարունակվում է պահպանվել հարաբերական կայուն իրադրություն:
Ուստի կոչ ենք անում ադրբեջանական կողմին զերծ մնալ իրադրությունն արհեստականորեն սրելու անհեռանկար մարտավարությունից եւ չգնալ հետագա լարման»: