Ստեփանավանում 49-ամյա քաղաքացու դի է հայտնաբերվել

Լոռու մարզի Ստեփանավան քաղաքում այսօր՝ սեպտեմբերի 29-ին, 49-ամյա բնակչի դի է հայտնաբերվել:

ԱԻՆ լրատվական ծառայության հաղորդմամբ՝ այսօր ժամը 12.06-ին տեղեկություն է ստացվել, որ Ստեփանավանի Պրոմեթեւս փողոցի թիվ 25 շենքի բնակարաններից մեկի բնակիչը չի արձագանքում դռան թակոցներին եւ հեռախոսազանգերին. անհրաժեշտ է փրկարարների օգնությունը:

Դեպքի վայր է մեկնել մեկ մարտական հաշվարկ:
Փրկարարները բացել են բնակարանի դուռը եւ ննջասենյակի մահճակալին հայտնաբերել 49-ամյա Վ. Պ.-ի դին: