ՄԱԿ-ի Անվտանգության խորհուրդը նոր տեսակի կորոնավիրուսի վերաբերյալ նիստ է հրավիրել, որն անցկացվում է տեսակապի միջոցով. Интерфакс
ՄԻՋԱԶԳԱՅԻՆՄեկնարկել է կորոնավիրուսի վերաբերյալ ՄԱԿ-ի Անվտանգության խորհրդի առաջին նիստը, որն անցկացվում է տեսակապի միջոցով: Այս մասին հայտնում է Интерфакс-ը:
«Այո, ներկա պահին հանդիպում է անցկացվում: Ռուսական կողմին ներկայացնում է ՄԱԿ-ում ՌԴ մշտական ներկայացուցիչ Վասիլի Նեբենզյան»,- լրատվամիջոցի հետ զրույցում հայտնել է ռուսական առաքելության ներկայացուցիչը:
Նշվում է, որ փակ տեսահանդիպումը մեկնարկել է Նյու Յորքի ժամով 15:00-ին (երևանյան ժամանակով՝ 23:00):
Խորհրդի անդամները քննարկում են կորոնավիրուսի շուրջ ստեղծված իրավիճակը, խաղաղարար գործողությունների, հումանիտար առաքելությունների անցկացման, ինչպես նաև ռազմական գործողություններն անհապաղ դադարեցնելու՝ ՄԱԿ-ի գլխավոր քարտուղար Անտոնիու Գուտերեշի կոչի վերաբերյալ հարցեր:
