Ռուսաստանը կորոնավիրուսային ինֆեկցիաների թվով գերազանցել է Չինաստանին․ Ռիա Նովոստի

Վերջին մեկ օրվա ընթացքում Ռուսաստանում հայտնաբերվել է COVID-19 ունեցող 6198 քաղաքացի, հաղորդում է կորոնավիրուսի տարածման դեմ պայքարի շտաբը։ Մահվան ելքով դեպքերի թիվը 50 է։ Դեպքերի մեծ մասը գրանցվել է Մոսկվայում (2871), Մոսկվայի մարզում (638), Նիժնի Նովգորոդի մարզում (207), Դաղստանի հանրապետությունում (167) և Սանկտ Պետերբուրգում (161): Պարզվում է, որ նոր գրանցված դեպքերից 2693-ը առանց հիվանդության ախտանիշների են: Նախորդ օրը գրանցվել էր 6361 նոր դեպք և մահվան 66 դեպք:
Այսպիսով, Ռուսաստանում կորոնավիրուսով վարակվածների ընդհանուր թիվը հասել է 87 147-ի, որոնցից 794-ը մահացել է, 7346-ը՝ բուժվել: