Ադրբեջանի ԱԳՆ դեպարտամենտի տնօրեն է ձերբակալվել

Սոցիալական ցանցերում տեղեկություն է տարածվել, որ պետական անվտանգության ծառայության հատուկ գործողության արդյունքում ձերբակալվել է Ադրբեջանի ԱԳՆ դեպարտամենտներից մեկի տնօրեն Ֆարհադ Մոլլազադեն: Նա մեղադրվում է արտերկրում դիվանագիտական ներկայացուցչություններին հատկացված առանձնապես խոշոր չափերի գումարներ յուրացնելու մեջ: Ֆարհադ Մոլլազադեն Միլլի մեջլիսի երկարամյա պատգամավոր Ասիմ Մոլլազադեի զարմիկն է: Վերջինս Ադրբեջանի քաղաքական իսթեբլիշմենտում ունի արեւմտամետ գործչի համարում: