Դավիթ Տոնոյանը կապ է հաստատել Անջեյ Կասպրշիկի հետ. ադրբեջանական կողմն ունի բազմաթիվ վիրավորներ և զոհեր
ՔԱՂԱՔԱԿԱՆՈՒԹՅՈՒՆՊաշտպանության նախարար Դավիթ Տոնոյանը կապ է հաստատել ԵԱՀԿ գործող նախագահի անձնական ներկայացուցիչ, դեսպան Անջեյ Կասպրշիկի հետ։ Այս մասին իր ֆեյսբուքյան էջում գրել է Հայաստանի ՊՆ խոսնակ Շուշան Ստեփանյանը:
«Դավիթ Տոնոյանը ներկայացրել է ժամը 03:40-ից ՀՀ պետական սահմանին ստեղծված իրավիճակը, նշել, որ ադրբեջանական կողմն ունի բազմաթիվ վիրավորներ և զոհեր։ Պաշտպանության նախարարը տեղեկացրել է, որ ՀՀ սահմանների նկատմամբ ադրբեջանական կողմի ոտնձգությունները բոլոր առկա ուժերով և միջոցներով տապալվում են»,- գրել է նա:
