«Երեւան Սիթիի» մոտ վրաերթի է ենթարկել անձը չպարզված անձի. տուժածի վիճակը ծանր է

Հայաստանի ԱԻՆ-ում, այսօր՝ հոկտեմբերի 13-ին, ժամը 06.40-ին ահազանգ է ստացվել, որ Երեւանի Սեբաստիայի փողոցում՝ «Երեւան Սիթի» սուպերմարկետի մոտակայքում, անհայտ մակնիշի ավտոմեքենան վրաերթի է ենթարկել անձը չպարզված քաղաքացու. անհրաժեշտ է օգնություն:

Դեպքի վայր է մեկնել ճգնաժամային կառավարման ազգային կենտրոնի օպերատիվ խումբը:

Պարզվել է, որ Սեբաստիայի փողոցի թիվ 141/5 հասցեի մոտակայքում «ՎԱԶ-2109» մակնիշի 03 OO 459 համարանիշի (վարորդ՝ 41-ամյա Վ. Ղ.) ավտոմեքենան վրաերթի է ենթարկել անձը չպարզված քաղաքացու, ով մինչ փրկարարների՝ կանչի վայր հասնելը տեղի ուժերով տեղափոխվել է Աստղիկ ԲԿ, որտեղ բժիշկները տուժածի առողջական վիճակը գնահատել են ծանր: