ԼՂ-ի հետ կապերի հաստատումը ֆրանսիական քաղաքների լիազորությունն է. Բաքվում ասել է Արլեմ Դեզիրը

Ֆրանսիայի Հանրապետության ԱԳՆ Եվրոպական հարցերով պետքարտուղար Արլեմ Դեզիրը Բաքվում հայտարարել է, որ Ֆրանսիայի որոշ քաղաքների կողմից Լեռնային Ղարաբաղի հետ կապերի հաստատումը տվյալ քաղաքների լիազորությունների մեջ է մտնում:

Այս մասին տեղեկացնում է ադրբեջանական ԱՊԱ գործակալությունը:
«Ֆրանսիայում քաղաքներն իրենք են որոշում, թե ում հետ բարեկամություն անեն: Մենք դրական ենք գնահատում միջազգային մասշտաբով քաղաքների համագործակցությունն այլ քաղաքների հետ»,- նշել է Արլեմ Դեզիրը: