Արտակարգ դեպք Դիլիջանում. Քաղաքացին բենզասղոցով հարձակվել է ոստիկանների վրա. հնչել են կրակոցներ

Տավուշի մարզի Դիլիջան քաղաքում հոկտեմբերի 11–ին արտակարգ դեպք է տեղի ունեցել։ Երեկ երեկոյան Մյասնիկյան փողոցում կրակոցներ են հնչել։ NEWS.am–ին հաջողվեց պարզել, որ կրակոցները եղել են վիճաբանության ժամանակ։

Նախնական տեղեկություններով մի խումբ բնակիչներ վիճել են միմյանց հետ, որը երբ փորձել են հանդարտեղցել իրավապահները իրավիճակն ավելի է լարվել եւ հնչել են կրակոցներ։ Վիճաբանողներից մեկը չի ենթարկվել ոստիկանների հրահանգներին, հայհոյանքներ հնչեցրել, ապա իր մոտ եղած բենզասղոցով հարձակվել ներկաների վրա։

Իրավիճակն հանդարտեցնելու նպատակով ոստիկանները նախազգուշական կրակոցներ են արձակել, որից հետո նրա ձեռքից հաջողվել է վերցնել բենզասղոցը եւ նրան ձերբակալել։ Մանրամասները պարզվում են։