Վրաերթի են ենթարկել 10-ամյա տղայի. ծնողն ասել է, թե աստիճաններից է ընկել

Հիվանդանոցից, հոկտեմբերի 8-ին, ժամը 20.50-ին, ոստիկանության Էրեբունու բաժնում հաղորդում է ստացվել, որ «աջ սրունքի սալջարդ» ախտորոշմամբ բուժօգնության է դիմել 10-ամյա տղա, ում ծնողը հայտարարել է, որ երեխան տանն աստիճաններից վայր է ընկել:

Ոստիկանությունից 1or.am-ին հայտնում են, որ ոստիկանության ծառայողների ձեռնարկած միջոցառումների շնորհիվ պարզվել է, որ երեխան վնասվածքը ստացել է նույն օրը, ժամը 14.00-ին, Երեւանի Մ.Խորենացու փողոցի թիվ 47 հասցեի մոտ «Օպել Կորսա» մակնիշի ավտոմեքենայի վարորդի կողմից վրաերթի ենթարկվելու հետեւանքով:

Կատարվում է քննություն: