Մոսկվայում ձերբակալել են անցորդների վրա կացիններով հարձակված ավազակներին
ՄԻՋԱԶԳԱՅԻՆՄոսկվայում ձերբակալել են զինված ավազակախմբի երկու անդամներին, որոնց մեղադրում են ավազակային հարձակումներում:
2018 թվականին ավազակախումբը Մոսկվայի առևտրական-շուկայական համալիրներից մեկի տարածքում հարձակում է գործել անցորդների վրա՝ գողանալով փող և թանկարժեք իրեր: Ոստիկանները հանցագործ խմբի ենթադրյալ կազմակերպչից առգրավել են մարտական ատրճանակի վերածված՝ Մակարովի ազդանշանային ատրճանակ, մուրճեր և կացիններ:
Հետաքննությունը բացահայտել է հանցագործների մասնակցությունը չորս հարձակումներում: Վնասի չափը կազմում է ավելի քան 16 մլն ռուբլի: Դեպքի առթիվ քրեական գործ է հարուցվել «Ավազակություն», «Կողոպուտ», «Ապօրինի զենքի և զինամթերքի պահպանում» հոդվածներով:
Պարզվել է, որ ձերբակալվածները եկել են հարևան երկրներից: Այժմ նրանք գտնվում են կալանքի տակ, իսկ բանդայի երրորդ մասնակիցը դաշնային հետախուզման մեջ է:
Նյութը հրապարակման պատրաստեց Լիլիթ Ամիրաղյանը: