Բժիշկները պատմել են Նավալնիի ներկայիս առողջական վիճակի մասին
ՄԻՋԱԶԳԱՅԻՆ
Օմսկի շտապօգնության թիվ 1 հիվանդանոցի գլխավոր բժիշկ Ալեքսանդր Մուրախովսկին ասել է, որ ռուս ընդդիմադիր Ալեքսեյ Նավալնին գտնվում է կայուն ծանր վիճակում: Այս մասին հայտնել է РИА Новости-ն:
Բժշկի խոսքերով՝ օգոստոսի 23-ին նա բեռլինյան «Շարիտե» հիվանդանոցի (որտեղ այժմ գտնվում է Նավալնին) գործընկերներից նամակ է ստացել, որում շնորհակալություն էին հայտնել Նավալնիի կյանքը փրկելու համար՝ տեղեկացնելով ռուս ընդդիմադրի ներկայիս վիճակի մասին:
Ավելի վաղ Մուրախովսկին օգնություն էր առաջարկել իր գերմանացի գործընկերներին: Նա նամակ էր ուղարկել՝ առաջարկելով Նավալնիի ընտանիքի համաձայնությամբ, փոխանցել ընդդիմադրի հետազոտությունների արդյունքները: Գերմանացի բժիշկները շնորհակալություն են հայտնել և նշել, որ չեն կասկածում՝ հիվանդի կյանքը հաջողվել է փրկել:
Հիշեցնենք, որ ընդդիմադրին բուժման նպատակով Գերմանիա են տեղափոխել օգոստոսի 22-ի կեսօրին: Միևնույն ժամանակ նա ճանաչվել է որպես կանցլեր Անգելա Մերկելի հյուր:
Նյութը հրապարակման պատրաստեց Լիլիթ Ամիրաղյանը
