Ռուբլու կուրսն անկում է ապրում
ՄԻՋԱԶԳԱՅԻՆՕգոստոսի 26-ին Մոսկվայի բորսայում առքուվաճառքի ընթացքում ռուբլին շարունակել է դոլարի և եվրոյի համեմատ ընկնել՝ հասնելով իր նվազագույն արժեքին: Այս մասին հաղորդել է Մոսկվայի բորսայի կայքը:
Դոլարը 13:20-ի դրությամբ աճել է՝ հասնելով առավելագույնը 75.94, իսկ եվրոն՝ 89.79 ռուբլու: Վերջինս ողջ պատմության մեջ ռեկորդային է:
Ռուբլին անկում է ապրում անգամ նավթի գնի բարձրացման ֆոնին, երբ գները հասնում են բազմամսյա բարձրագույն ցուցանիշների: Սրա պատճառը հանդիսանում են Բելառուսի բողոքի ցույցերի հետ կապված աշխարհաքաղաքական ռիսկերը, ինչպես նաև ընդդիմադիր Ալեքսեյ Նավալնու շուրջ ստեղծված իրավիճակը:
ԱՄՆ-ն խոստացել է Նավալնիի թունավորման հաստատման դեպքում Ռուսաստանի նկատմամբ շատ խիստ պատժամիջոցներ ձեռնարկել:
Նյութը հրապարակման պատրաստեց Լիլիթ Ամիրաղյանը