Bloomberg (ԱՄՆ). «Լևադա» կենտրոնի տվյալների համաձայն՝ կորոնավիրուսի հետ կապված իրավիճակի կայունացման ֆոնին Պուտինի վարկանիշն աճել է
ՄԻՋԱԶԳԱՅԻՆՌուսական inosmi կայքի լրագրող Իլյա Արխիպովն իր «Bloomberg (США): по данным Левада-центра, рейтинг Путина вырос на фоне стабилизации ситуации с коронавирусом» հոդվածում գրել է, որ «Լևադա» կենտրոնի (Յուրի Լևադայի վերլուծական կենտրոն) տվյալների համաձայն՝ օգոստոսին ՌԴ նախագահ Վլադիմիր Պուտինի վարկանիշը 6 %-ով աճել է: Կորոնավիրուսի հետ կապված իրավիճակի կայունացման ֆոնին վարկանիշը փետրվարյան մակարդակին է վերադարձել:
«Լևադա» կենտրոնի վերլուծող Դենիս Վոլկովը՝ հիշատակելով պետական սուբսիդիաները, որոնք նպատակ ունեին մեղմել համաճարակի բացասական ազդեցությունը, նշել է, որ կա ընդհանուր թեթևություն ՝ կապված անորոշության վերացման և վճարումների ստացման հետ: «Դժվար է ասել՝ արդյո՞ք վարկանիշը կշարունակի աճել մոտակա ամիսներին: Շատ բան կախված կլինի տնտեսությունից»:
Հեղինակը հիշեցնում է, որ 2020 թվականի գարնանը՝ վերջին մի քանի տարիների համեմատությամբ, Պուտինի վարկանիշն ընկավ՝ հասնելով նվազագույն մակարդակի, քանի որ կորոնավիրուսային համաճարակի տարածումը հանգեցրեց կարանտինային միջոցառումների ներդրմանը և խորը ռեցեսսիայի: Ամռանը, սակայն, իրավիճակը բարելավվեց. երբ հիվանդացության և մահացության ցուցանիշները հարաբերականորեն ցածր մակարդակում կայունացան, երկրում հանվեցին կարանտինային սահմանափակումները: Օգոստոսի սկզբին Պուտինը հայտարարեց, որ կորոնավիրուսային համաճարակի դեմ նոր պատվաստանյութը մի քանի շաբաթից հասանելի կդառնա:
Օգոստոսի 20-26-ին «Լևադա» կենտրոնի անցկացրած հարցման արդյունքների համաձայն՝ 1601 հարցվողների 66%-ը հավանություն է տալիս Պուտինի գործունեությանը՝ որպես նախագահ:
Նյութը հրապարակման պատրաստեց Լիլիթ Ամիրաղյանը