Նոր Արթիկ գյուղի սարերում գամփռներն իրենց կյանքի գնով պաշտպանել են տիրոջը հսկայական գյուրզայից(լուսանկար)
ՖՈՏՈ
Երկու գամփռներն իրենց կյանքի գնով փրկել են տիրոջը՝ հովվին։ Տեղեկությունը Facebook-ի իր էջում հայտնել է «Շիրակի կենտրոն» հասարակական կազմակերպության նախագահ Վահան Թումասյանը։
Օրեր առաջ արտառոց դեպք է գրանցվել Նոր Արթիկ գյուղի սարերում։ Երիտասարդ հովիվը իր երկու գամփռների հետ արածացնելիս է եղել գյուղի ոչխարների հոտը, երբ պատահաբար օձը հարձակվել է նրա վրա։
«Երկու գամփռները անմիջապես մարտի են բռնվել բավականին մեծ չափսի գյուրզայի հետ։ Թեև գամփռները սատկացրել են օձին, բայց ծանր վիրավորվել են»,–գրել է Թումասյանը։
Նրա խոսքով` գամփռները մի կերպ են կարողացել գյուղ հասնել։
Ցավոք, կարճ ժամանակ անց երկու շներն էլ սատկել են օձի խայթոցներից։
