«Հրապարակ». Արայիկ Հարությունյանն ընդօրինակում է Նիկոլ Փաշինյանին

«Հրապարակ» թերթը գրում է. «Արցախի նախագահ Արայիկ Հարությունյանը ոչ միայն հնազանդորեն կատարում է Նիկոլ Փաշինյանի հրահանգները, այլեւ ընդօրինակել է նրա գործելաոճը եւ պետությունը կառավարում է Ֆեյսբուքից՝ «լայվերի» ու գրառումների միջոցով։

Նրա որոշումներից շատերին ենթակաները տեղեկանում են սոցհարթակից, ավելին՝ անգամ նախարարների նկատողությունները, պաշտոններից ազատումը, ինչպես եղավ, օրինակ, Քաշաթաղի վարչական շրջանի ղեկավարի դեպքում։ Իսկ Արցախում սա աննախադեպ է, երբ պետության ղեկավարը մարդ է ազատում պաշտոնից, եւ նա այդ մասին իմանում է Ֆեյսբուքից»: