Մոսկվայի քաղաքապետը կորոնավիրուսի դեմ պատվաստվել է

Մոսկվայի քաղաքապետ Սերգեյ Սոբյանինը ՌԴ նախագահ Վլադիմիր Պուտինին հայտնել է, որ կորոնավիրուսի դեմ պատվաստվել է, հաղորդում է «Ինտերֆաքս»-ը:

«Վլադիմիր Վլադիմիրովիչ, ես այսօր կորոնավիրուսի դեմ պատվաստվել եմ, այլապես դժվար կլիներ քարոզել ռուսական պատվաստանյութը: Ռուսաստանցիների կեսը կասկածում է, որ պետք է պատվաստվել: Եվ այդ պատճառով ես նման որոշում կայացրեցի, եւ իմ գործընկերները եւս թույլ տվեցին դա անել»,-ասել է Սոբյանինը: