Թրամփին մեղադրում են Օբամայի հանդեպ՝ մաշկի գույնով պայմանավորված ատելության համար
ՄԻՋԱԶԳԱՅԻՆ
ԱՄՆ-ի նախագահ Դոնալդ Թրամփի նախկին փաստաբան Մայքլ Կոենը նրան մեղադրել է Ամերիկայի նախկին նախագահ Բարաք Օբամայի հանդեպ՝ մաշկի գույնով պայմանավորված, ատելության համար: Նրա խոսքերը մեջբերել է The Independent-ը:
Կոենի խոսքերի համաձայն՝ Թրամփն Օբամային արհամարհում է ԱՄՆ-ի առաջին սևամորթ նախագահը լինելու պատճառով: Կոենը նաև հաստատել է, որ Ամերիկայի գործող նախագահը գտնում է, որ ծանր պայմաններում կարող են գոյատևել միայն սևամորթները: Փաստաբանը նշել է, որ Թրամփն իրավիճակը մեկնաբանել է Կոենի հետ Չիկագոյի թաղամասերից մեկի կողքով մեքենայով անցնելու ընթացքում:
ԱՄՆ-ի նախագահի թեկնածու Ջո Բայդենն արդեն Թրամփին բնութագրել է հետևյալ կերպով՝ <<որպես նախագահ ընտրված առաջին ռասիստ>>: Քաղաքական գործչի կարծիքով Թրամփի վերաբերմունքը մարդկանց նկատմամբ կախված է նրանց մաշկի գույնից և ազգային պատկանելությունից:
Նյութը հրապարակման պատրաստեց Լիլիթ Ամիրաղյանը
