Ի՞նչ են քննարկելու Պուտինը եւ Լուկաշենկոն Սոչիում կայանալիք հանդիպմանը

Ռուսաստանի եւ Բելառուսի նախագահներ Վլադիմիր Պուտինը եւ Ալեքսանդր Լուկաշենկոն սեպտեմբերի 14-ին Սոչիում կայանալիք հանդիպմանը կքննարկեն երկկողմ հարաբերությունների զարգացման եւ ռազմավարական գործընկերության հիմնական հարցերը, հաղորդում է Կրեմլի մամուլի ծառայությունը:

«Նախատեսվում է հատուկ ուշադրություն դարձնել առեւտրի, տնտեսական, էներգետիկ, մշակութային եւ հումանիտար ոլորտներում համատեղ խոշոր նախագծերի իրականացմանը, ինչպես նաեւ` Դաշնակցային պետության շրջանակներում ինտեգրացիոն գործընթացների խթանման հեռանկարներին»: