Քաղաքականությունը հնարավորությունների արվեստ է
ՔԱՂԱՔԱԿԱՆՈՒԹՅՈՒՆ
1or.am կայքի զրուցակիցը քաղաքագետ Ստեփան Դանիելյանն է։
- Պարոն Դանիելյան, Սերժ Սարգսյանը Սևանում ՀՀԿ երիտասարդների հետ հանդիպման ժամանակ ասել է, որ ինքը հայ-ռուսական դաշնակցության համոզված կողմնակից է: Ինչպե՞ս եք գնահատում այս հայտարարությունը՝ հաշվի առնելով, որ իր նախագահության տարիներին նշվում էր, որ նա ավելի շատ եվրոպական ուղղության կողմնակից է, որ ՀՀԿ-ն լինելով ԵԺԿ անդամ՝ ցույց էր տալիս իր եվրոպամետ լինելը:
— Քաղաքականությունը հնարավորությունների արվեստ է։ Որ պահին ինչ շահեկան է այդ պահին էլ մարդիկ խոսում են, և դա բոլորին է վերաբերում։ Եվ ցանկացած հայտարարություն կարելի է տարբեր կերպ մեկնաբանել, օրինակ, եվրոպամետությունը կարելի է համատեղել սահմանի հետ կապված հայտարարություններով կարելի է և չհամատեղել։
- Իսկ հնարավո՞ր է, որ Սերժ Սարգսյանը նման հայտարարությամբ ակնկալում է աջակցություն ՌԴ-ից:
— Ես չեմ կարծում, որ Սերժ Սարգսյանը մոտակա տարիներին քաղաքականություն վերադառնալու՝ նկատի ունեմ պետական պաշտոններ ստանալու, նպատակ ունի։
- Արդյո՞ք Սերժ Սարգսյանը և Ռոբերտ Քոչարյանը անցած փուլ են և որևէ շանս չունեն վերադառնալու:
— Բոլոր նախկին նախագահները և նախկին կարևոր պաշտոններ զբաղեցնող մարդիկ այսպես թե այնպես քաղաքականության մեջ են։ Եթե անգամ նրանք որոշեն, որ քաղաքականությունից հեռանում են, միևնույն է իրենց քաղաքականությունը թույլ չի տալիս հեռանալ։ Օրինակ Լևոն Տեր Պետրոսյանի մասին ակտիվ հայտարարություններ են անում, նախկին վարչապետերի մասին են խոսում, այսպես թե այնպես բոլորն էլ քաղաքականության մեջ են։
Սոնա Գիշյան
