Արտակարգ իրավիճակ «Կայզեր» սուպերմարկետի ստորգետնյա ավտոկայանատեղիում. ՖՈՏՈՌԵՊՈՐՏԱԺ

shamshyan.com-ը գրում է.

հոկտեմբերի 18-ին, ժամը 19:30-ին Արտակարգ իրավիճակների նախարարության փրկարար ծառայության օպերատիվ կառավարման կենտրոն ահազանգ է ստացվել, որ Աջափնյակ վարչական շրջանի Մարգարյան փողոցի թիվ 23/6 հասցեում գտնվող «Կայզեր» սուպերմարկետի ստորգետնյա ավտոկայանատեղիում ավտոմեքենա է այրվում:

Ինչպես հայտնում է ֆոտոլրագրող Գագիկ Շամշյանը, մինչ դեպքի վայր կհասներ թիվ 7 հրշեջ-փևկարարական ջոկատը, քաղաքացիներն իրենց ուժերով մարել են կայանատեղիում գտնվող KIA Cerato մակնիշի 19 RR 990 համարանիշի ավտոմեքենայի մարտկոցի հատվածում առաջացած հրդեհը:

Գ. Շամշյանի տեղեկություններով՝ մեքենան վարում է Երևանի բնակիչ Ռադիկ Մաթևոսյանը: Ըստ նախնական տեղեկությունների՝ զոհեր և վիրավորներ չկան:

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

Լուսանկարները՝ Սմբատ Պետրոսյանի