«Թեժ» աշնանը սառը ջուր լցրեցին գլխներիս․ Լևոն Շիրինյան

1or.am կայքի զրուցակիցը քաղաքագետ Լևոն Շիրինյանն է։

 - Պարոն Շիրինյան, ռուսական «Դոսիե» կենտրոնը զեկույց է հրապարակել, որից երևում է, որ Կրեմլը գործակալներ ունի Հայաստանի գրեթե բոլոր պետական կառույցներում: Այնտեղ նշվում են նաև անուններ: Ընդհանրապես, այդտեղ բացահայտում կա՞ր, թե՞ հրապարակվածն այնքան էլ գաղտնիք չէր:

—  Դե անկեղծ ասած  ոչ․․․ոչ։ Ես անվտանգության ծառայության հետ կապ ունենալ չունենալու մասին ոչինչ չգիտեմ բոլորը ռուսամետ են, ռուսական կրթությունով։  Բայց հայը եթե ռուսասեր է լինում, ուրեմն իր հայրենիքում իր հայրենիքի հետ չի․․․ նա արդեն օտար մարդ է մեզ համար։  Վատ է այն, որ այդ տեսակ մարդիկ Հայաստանում ապրող մարդիկ են, ոչ թե օտար են, այլ հայ են, հայաստանցի են։

- Երբ արդեն նման փաստեր են հրապարակվում, դրան չպե՞տք է հետևեն իրավական ինչ-որ գործողություններ:

— ԱԱԾ-ի տնօրենը հայտարարեց, որ  լինելու է հետաքննություն։ Բացահայտումներ պետք է լինեն։

- Ինչո՞ւ հիմա հրապարակվեց այդ դոսիեն, ինչո՞վ էր կարևոր դրա հրապարակումն այսօր:

—  Հավանաբար Հայաստանի ժողովրդին և երևի  նոր իշխանությանը ասելու համար, որ մենք ձեզ համակրում ենք, և դուք  ոտքի կկանգնեք եթե այդ լրտեսների ցանցը քանդեք, այդ լրտեսներին բացահայտեք։ Այսպես ասած փորձում են օգնել, որովհետև շատերն են ուզում, որ աշխարհը փոխվի, բայց  միայն ռուսական ԱԱԾ-ով ո՞նց կբարեփոխվի։  «Թեժ» աշնանը սառը ջուր լցրեցին գլխներիս, իսկ այսօր էլ ցույց են անում։

Սոնա Գիշյան

www.1or.am