Եվրամիությունը հրաժարվում է Լուկաշենկոյին Բելառուսի նախագահ ճանաչել

Եվրամիությունը հրաժարվում է Ալեքսանդր Լուկաշենկոյին Բելառուսի նախագահ ճանաչել, հայտարարել է ԵՄ արտաքին գործերի եւ անվտանգության քաղաքականության հարցերով գերագույն ներկայացուցիչ Ժոզեպ Բորելը, հաղորդում է DW- ն:

«Եվրամիությունը չի ճանաչում կեղծված արդյունքները: Ելնելով դրանից` 2020 թվականի սեպտեմբերի 23-ին տեղի ունեցած այսպես կոչված «երդմնակալությունը» եւ Ալեքսանդր Լուկաշենկոյի հայտարարած նոր մանդատը զուրկ են ցանկացած ժողովրդավարական լեգիտիմությունից»,- ասել է եվրոպական դիվանագիտության ղեկավարը: