Քյոխը՝ Կարո Ջալավյանը, իսկապես մեր ժամանակների հերոսն է. Տիգրան Աբրահամյան

«Հենակետ» վերլուծական կենտրոնի ղեկավար, Արցախի նախագահի նախկին խորհրդական Տիգրան Աբրահամյանը ֆեյսբուքյան էջում գրում է.

Քյոխը՝ Կարո Ջալավյանը, իսկապես մեր ժամանակների հերոսն է։

Նա այդ կոչմանը զուտ մեկ, երկու, երեք օրվա ռազմական գործողությունների արդյունքում չի արժանացել։

90-ականների պատերազմից սահմանին է։

2016 թվականի ռազմական գործողությունների ծանր օրերին նրա հրամանատարությամբ, մեր համահավաք ստորաբաժանումը Թալիշի ուղղությամբ 10 դիրք ազատագրեց։

Բարոյական բարձր արժանիքներով մարդ, պատվախնդիր զինվորական, ընտանիքի լավ հայր, ուղղակի լավ ընկեր։ Սա այն համեստ բնորոշումներն է, որով կարելի է ներկայացնել Քյոխին։