Մայոր Թեւանյանը խոցել է հակառակորդի 10-ից ավելի զրահատեխնիկա, նրա կրակոցների շնորհիվ անառիկ են պահվել դիրքերը. խոսնակ
ՔԱՂԱՔԱԿԱՆՈՒԹՅՈՒՆ
ՀՀ ՊՆ խոսնակ Շուշան Ստեփանյանը ֆեյսբուքյան իր էջում հրապարակել է հերոսական դրվագներ, թե ինչպես է մայոր Արամայիս Վիրաբի Թեւանյանը խոցել է հակառակորդի 10-ից ավելի զրահատեխնիկա։
«Հերոսական դրվագներ
Հոկտեմբերի 2-ին ՊԲ պաշտպանության գոտու մարտական դիրքի վրա հակառակորդի մեծաքանակ ուժերի հարձակման ընթացքում մայոր Արամայիս Վիրաբի Թեւանյանը ցուցաբերել է նախաձեռնություն, ճիշտ կազմակերպելով հաշվարկի գործողությունները` խոցել է հակառակորդի 10-ից ավելի զրահատեխնիկա: Մայոր Ա. Թեւանյանի հաշվարկի անվրեպ կրակոցները մեր մարտիկների համար ստեղծել են հնարավորություն` հետ մղել հակառակորդի գրոհն ու անառիկ պահել մարտական դիրքերը»,- գրել է Ստեփանյանը:
