Էրդողանի վրա Օսմանյան թոզ է իջել
ՔԱՂԱՔԱԿԱՆՈՒԹՅՈՒՆ
1or.am կայքի զրուցակիցը ռազմական փորձագետ Կարեն Վրթանեսյանն է։
- Պարոն Վրթանեսյան, ԵԱՀԿ Մինսկի խմբի համանախագահները շարունակում են երկու կողմերին կոչեր անել` դադարեցնել պատերազմական գործողությունները։ Ինչպե՞ս եք գնահատում։
— Առհասարակ միջազգային հանրության արձագանքներին ծանոթ բոլոր մարդիկ չեն զարմանում նման հայտարարություններից, որովհետև իրենց ռեալ գործողությունները կարող է տևել շաբաթներ, ամիսներ և այդ ընթացքում ինչ-որ կոչեր անեն, խորը մտահոգություն հայտնեն և դա առհասարակ միջազգային հանրության ոճն է։
- Ըստ Ձեզ, ո՞վ կարող է զսպել Էրդողանին։
— Չգիտեմ, Էրդողանին այս պահին երևի համատեղ ուժերով կարելի է զսպել, որովհետև այս պահին Էրդողանը Սիրիայի, Ֆրանսիայի ու Ռուսաստանի հետ վերջերս որոշ չափով ունի կոնֆլիկտային հարաբերություններ։ Օրինակ այսօր Ռուսաստանի դեմ կռվում է Լիբիայում ու Սիրիայում, հիմա, ըստ էության, նոր ռազմաճակատ է բացում ու փորձում է խցկվել Ադրբեջան` դա խաղաքարտ սարքելով։ Ունի խնդիրներ Կիպրոսում, Հունաստանում, Միջերկրական ծովում։ Եգիպտոսի հետ են հարաբերությունները կտրուկ վատացել։ Այսինքն Էրդողանի վրա Օսմանյան թոզ է իջել։
Սոնա Գիշյան
