Մասնավորապես, նախատեսվում է փոփոխություններ կատարել ավագանու 2019 թվականի դեկտեմբերի 25-ի որոշման մեջ:
Ըստ այդմ, սահմանվում է, որ Երևանի քաղաքապետարանի կողմից հայտարարված՝ թվով 100 ավտոբուսների գնման մրցույթում, հաղթող ճանաչված՝ «Մուլտի Մոթորս» ՍՊ ընկերության, նախատեսվող պայմանագրային պարտավորությունների հետագա ընթացքը ապահովելու նպատակով, Երևան համայնքի 2020 թվականի բյուջեում՝ «Տրանսպորտային համակարգի արդիականացում» ծրագրի շրջանակներում, նախատեսել 1,825,000.0 հազ. դրամ»:
Նաեւ սահմանվում է. «Ադրբեջանական բանակի կողմից Արցախի Հանրապետության մայրաքաղաք՝ Ստեփանակերտի թիրախավորման արդյունքում՝ վնասված քաղաքացիական ենթակառուցվածքների և օբյեկտների կապիտալ աշխատանքների իրականացման նպատակով, Երևան քաղաքի 2020 թվականի բյուջեի պահուստային ֆոնդի վարչական մասին հատկացնել 100,000.0 հազ. դրամ՝ բյուջետային ծախսերի տնտեսագիտական դասակարգման «Այլ կապիտալ դրամաշնորհներ համայնքներին» հոդվածով»: