Ֆրանսիական Վալանսի քաղաքային խորհուրդը օգնություն կհատկացնի Հայաստանին

Ֆրանսիական Վալանս քաղաքի քաղաքապետ Նիկոլաս Դառագոնը իր ֆեսբուքյան եւ Թվիթերյան էջերում իր աջակցությունն է հայտնում Արցախին:

«8 օրվա ընթացքում մեր բարեկամ երկիրը՝ Հայաստանը, գտնվում է կրիտիկական աշխարհաքաղաքական իրավիճակում, որի հետեւանքները առանց այդ էլ անկայուն տարածաշրջանում հայտնի չեն:

Որպես հայերի հետ մեր բարեկամության ապացույց, Վալանս քաղաքը, որը միշտ պաշտպանել է Հայաստանին, ցանկանում է իր նպաստը բերել, ինչը կազմակերպվում է այստեղի բոլոր ժողովուրդների մասնակցությամբ:

Այսպես, քաղաքային խորհուրդը միաձայն որոշել է 10 հազար եվրոյի բժշկական եւ այլ օգնություն (հագուստ, կոշիկ, սնունդ երեխաների համար եւ այլն) հատկացնել պատերազմից տուժածներին՝ Ֆրանսիայի հայկական ֆոնդի միջոցով»,-ասված է գրառման մեջ: