Լևոն Երանոսյանի գտնվելու տեղը հայտնի է
ՔԱՂԱՔԱԿԱՆՈՒԹՅՈՒՆ
Րոպեներ առաջ հայտնի դարձավ, թե որտեղ է իրականում գտնվում նախկին փոխոստիկանապետ Լևոն Երանոսյանը: 1or.am-ը Երանոսյանի փաստաբան Տիգրան Սաֆարյանից տեղեկացավ, որ քիչ առաջ իր պաշտպանյալը կապ է հաստատել իր հետ և ասել է, որ իր մարտական ընկերների հետ գտնվում է Արցախում:
«Հենց նոր եմ խոսել Լևոն Երանոսյանի հետ: Նա տեղեկացրեց, որ գտնվում է Արցախում, ամեն ինչ լավ է, իր հետ ոչինչ չի պատահել»,- ասաց Տ. Սաֆարյանը:
Հիշեցնենք, որ երեկվանից լուրեր էին տարածվել, թե նախկին փոխոստիկանապետ Լևոն Երանոսյանին ձերբակալել են, որը կապված է վարչապետի նշած՝ «դավաճանների» գործով: Նրա փաստաբանն էլ նշել էր, որ որ այդ հարցով վաղ առավոտից դիմել են Ոստիկանություն, ԱԱԾ, ՀՔԾ, Մարդու իրավունքների պաշտպանի գրասենյակ, սակայն նրա գտնվելու մասին որևէ նորություն պարզել չէր հաջողվել:
Հայկ Պետրոսյան
