Այս ընթացքում անելիքներ շատ կան, բոլոր ճակատներում. Արմեն Աշոտյան
ՔԱՂԱՔԱԿԱՆՈՒԹՅՈՒՆ
ՀՀԿ փոխնախագահ Արմեն Աշոտյանը ֆեյսբուքյան իր էջում գրում է.
Հարց է, թե ինչպես կպահպանվի հումանիտար զինադադարը։ Այս ընթացքում անելիքներ շատ կան, բոլոր ճակատներում։
Տվյալ համատեքստում երկու առաջարկություն ունեմ։
1. ԱԺ-ին առաջարկում եմ Հայաստանի տոների եւ հիշատակի օրերի մասին օրենքում փոփոխություն իրականացնել եւ պատերազմի վերսկսման օրը՝ սեպտեմբերի 27-ը, սահմանել որպես Համազգային միասնության օր։
Այդ օրվանից, իրոք, ազգովի աննախադեպ բռնցքում է. թե Արցախի շուրջ, թե Հայաստանի ներսում, թե Սփյուռքում։
Իմ կարծիքով, սա պետք է գնահատել, պահպանել եւ ամրագրել օրենքով։
2. Մյուս առաջարկս վերաբերում է ՀՀ Կառավարությանը։
Հումանիտար դադարը ենթադրում է նաեւ զոհվածների մարմինների փոխանակում։
Մեր ժողովրդի արժանապատվության ու պետության ապագայի համար մղած պայքարում իրենց կյանքը նահատակած զինվորականների եւ խաղաղ բնակչության շրջանում զոհերի հիշատակի պատվին առաջարկում եմ գալիք օրերից մեկը Հայաստանում եւ Արցախում միասնաբար հայտարարել սգո օր՝ մեր խոնարումը բերելով բոլոր զոհվածներին, մեր զորակցությունը, համերաշխությունն ու գոտեպնդումը՝ իրենց ընտանիքներին։
#StopAzerbaijaniAggression #StopTurkey #ՀԱՂԹԵԼՈՒԵՆՔ #StopAliyev
