Ալեքսանդր Լուկաշենկոն Հայաստանի վերաբերյալ համաձայնագիր է ստորագրել

Բելառուսի նախագահ Ալեքսանդր Լուկաշենկոն հավանություն է տվել Հայաստանի հետ հետընդունման մասին միջկառավարական համաձայնագրի նախագծին` որպես բանակցությունների անցկացման հիմք: Պետության ղեկավարը համապատասխան հրամանագիրը ստորագրել է նոյեմբերի 3-ին, հայտնում է ԲԵԼՏԱ-ն:

Լուկաշենկոն ներքին գործերի նախարարությանը լիազորել է համաձայնագրի նախագծի հիման վրա բանակցություններ անցկացնել և հաստատված ծրագրի շրջանակներում համաձայնություններ ձեռք բերելու դեպքում փաստաթուղթը ստորագրել: